amalinks wokungena

Breaking News

Izisebenzi Zikahulumende Sezimise Ukukhalala Umsebenzi


Inhlanganiso zezisebenzi zikahulumende bezikhangelele ukuhlangana lomqhatshi wazo ngolweSithathu kodwa kwehlula, zacina sezihlangana lesithunywa esakhethwa yizo lohulumende, esingameli hlangothi.

Umgcinisihlalo we National Joint Negotiating Forum uMnumzana Nelson Sambureni nguye okhulumisane lenhlanganiso zezisebenzi kanye lohulumende lokuthi udaba lweholo lezisebenzi solungalungisiswa njani.

Kuvunyelenweke ukuthi kube lomhlangano wokukhangela izikhalazo zezisebenzi phakathi kwenkokheli yazo lohulumende ngeviki ezayo ngoLwesibili.

UMnumzana Richard Gundane unobhala jikelele wenhlanganiso yababalisi eye Zimbabwe Teachers Association-ZIMTA utshele UBrenda Moyo weStudio 7 ukuthi umhlangano wangolweStihathu uphe izizebenzi ithemba lokuthi uhulumende usezimisele ukulungisisa izikhalazo zazo.

Kunjalo nje ababalisi bathi lanxa sebebuyele emsebenzini, abawufezi ngemfanelo, ngoba befuna uhulumende alungisise izikhalazo zabo ngokuphangisa. Kuchasisa isiphathamandla se Progressive Teachers Union of Zimbabwe, PTUZ uMnumzana Vusumuzi Mahlangu.

‚Äč
XS
SM
MD
LG