Izisebenzi zikahulumende, zona ezikhalala umsebenzi, zithi zizakuba lomhlangano lohulumende ngolweSihlanu, ongomunye wembuthano eminengi ehlezi isenziwa yilezizisebenzi, ezifunwa ukwengezelelwa iholo.
Ababalisi bathi bengezelelwe iholo ngokuyimadlana okungatsho lutho ngalinyanga kaNhlolanja, ngakhoke bazaqhubeka ngokukhalala umsebenzi, uhulumende aze ebangezelele imali ethe xaxa.
Ngakwelinye icele, inengi labazali likhala ngokuthi labhadala imali yama School Fees ngaphambilini kokukhalala umsebenzi kwababalisi, njalo sebelomthwalo wembhadalo ebizwa ngokuthi ngeyama Extra Lessons, ukuthi abantwababo bafundiswe eceleni.
Ukuze sizwe okunengi ngaloludaba, uSithandekile Mhlanga we Studio 7 uxoxe loMnu. Qhubani Sibanda, umzali, kanye loNkosikazi Nokuthula Hlabangana, umsekeli kamgcinisihlalo wenhlanganiso ye Progressive Teachers’ Union of Zimbabwe, ukuze sizwe imbono yabo ngaloludaba.