amalinks wokungena

Breaking News

Izisebenzi Zikahulumende Ziqoqa Ukuhlangana Lohulumende Ngodaba Lweholo


Inkokheli yezisebenzi zikahulumende eye Apex council ikhangelele ukuyafola emahofisini ePublic Service Commission ngolweSithathu.

Injongo yokufola lokhu ingeyokuzama ukukhulumisana leziphathamandla zikahulumende ukuze kuxazululwe udaba lweholo lezisebenzi. Isinqumo lesi siphume emhlanganweni we Apex council owenziwe ngoMvulo, lapho okuvunyelenwe khona ukuthi izisebenzi zonke ezikhalala umsebenzi ebezingaka buyeli emsebenzini kumele zibuyele ngolweSibili.

Izisebenzi zikahulumende zifuna ukwengezelelwa iholo lifike kumadollar eMelika edlula amakhulu ayisithupha-US$630 ngenyanga, kodwa uhulumende uthi kalayo imali yokwengezelela iholo lezisebenzi zakhe.

UBrenda Moyo weStudio 7 ukhulume lesiphathamandla senhlanganiso yababalisi eye Zimbabwe Teachers Association- iZIMTA, uMnumzana Richard Gundane othi uhulumende kumele aqakathekise udaba lweholo lezisebenzi zakhe, ngoba lazo zithwele nzima ngomumo oselizweni.

UBrenda uphinde waxhuma owake waba ngumbalisi, uMnumzana Joshua Mhambi othi izisebenzi zikahulumende kumele zibekezele ngoba uhulumende engela mali okwakhathesi.

‚Äč
XS
SM
MD
LG