Izisebenzi zikahulumende zalile ukwamukela isilinganiso semali uhulumende afuna ukuzengezelela ngayo iholo, ephakathi kwamadola amabili isiya kumadola alitshumi lanhlanu, ngoba iphansi kakhulu.
Emhlanganweni obuphakathi kwezisebenzi lohulumende ngolweSibili eHarare, izisebenzi lezi, ezihola imali ephakathi kwekhulu lamakhulu amabili amadollar eMelika(US$100-US$200), zibikwa zitshele izithunywa zikahulumende ukuthi ziphindele emuva zibuye sezile sithembiso esingcono.
UMnumzana Sifiso Ndlovu, isiphathamandla se Zimbabwe Teachers’ Association, obesemhlanganweni lo, utshele uSithandekile Mhlanga we Studio 7 ukuthi izisebenzi zikahulumende seziphakathi kokuqoqa umhlangano lentathelizindaba kusasa, lapho ezizakwazisa inyathelo elizalithatha.