amalinks wokungena

Breaking News

Izisebenzi Zikahulumende Ziyatshengisela Ngokuthula eHarare


Lezi zisebenzi zithi kukhanya uhulumende kazimiselanga ukulungisisa udaba lokungezelela iholo njalo usesebenzisa indlela yokuzethusela endaweni yokulungisisa udaba oluhluphayo.

Izisebenzi zikahulumende ezeHarare zifole zabhoda emahofisini kahulumende ngoLwesihlanu zitshengisela zifuna ukwengezelelwa iholo. Lezi zisebenzi zithi kukhanya uhulumende kazimiselanga ukulungisisa udaba lokungezelela iholo njalo usesebenzisa indlela yokuzethusela endaweni yokulungisisa udaba oluhluphayo.

Lokhu kuza ngemva kokungaphumeleli komhlangano wodaba lweholo obekhona ngolweSithathu phakathi kwezisebenzi lomqatshi wazo. Kubika intathelizindaba yethu u Mavis Gama.

Kusenjalo, uMnu. Vusumuzi Mahlangu, isiphathamandla senhlanganiso yababalisi eye Progressive Teachers’ Union of Zimbabwe uthi inengi lezisebenzi zikahulumende koBulawayo lemaphandleni ezigabeni zeMatabelelandi sezimanyene lezikhalala umsebenzi.

UMahlangu utshele uSithandekile Mhlanga weStudio 7 ukuthi okumangalisayo yikuthi abasebenza emahofisini kamsitheli lokhu beziqhubela umsebenzi.

XS
SM
MD
LG