amalinks wokungena

Breaking News

Izisebenzi Kazisathembi Uhulumunde Kudaba Lweholo


Esikolo
Esikolo

Izisebenzi zikahulumende zithi sezikhathazekile kakhulu ngokube lokhe kuguqulwa ilanga lokuthola iholo lazo osekwenziwe kabili phakathi kweviki eyodwa.

Ababalisi babekhangelelwe ukuhola ekuqaleni kweviki edluleyo kodwa kwathiwa bazahola iviki isiphela kodwa kweza eminye njalo imbiko ethi sezizathola iholo lazo ngoLwesibili mhlaka 29 Mpalakazi.

Ezinye izisebenzi ezigoqela abongi, odokotela leziphathamandla zikahulumende sezizathola iholo ekuqaleni komnyaka ozayo mhlaka 05 Zibandlela 2016.

Umgcinisihlalo wenhlanganiso yezisebenzi zikahulumende eyomanyano we Apex Council, uMnu. Richard Gundane utshele iStudio Seven ukuthi izisebenzi zikahulumende sezikhangelele ukuthi nxa zingatholanga iholo kusasa kuthathwe amanyathelo.

UGundane uthi izisebenzi zikahulumende, ezibalisa ababalisi, bezikhangelele ukuthi zizathola imali ngesikhathi esafakawa nguhulumende.

"Leyo yinto engaphathanga kuhle izisebenzi ngoba abantu besebelungiselele ukuthola iholo labo ngesikhathi esafakwayo. Lapha ikhisimusi kayisadlalwanga kahle, khonapha amadates abesetshintsha njalo," kutsho uGundane.

UGundane uthi kuzakuba lomhlangano wedale le Apex Council ngeviki ezayo kuhlaziywa loludaba.

"Njalo kuzakuba lomunye njalo umhlangano we Joint National Council lapho esizahlala khona phansi sikhulumisane ngaoludaba?" kutsho uGundane.

Siphinde saxoxa lengcwethi ecubungula ezombusazwe, uMnu. Rejoice Ngwenya othi sekumele izisebenzi zingene ezitaladeni zitshengisele.

"UMnu. Patrick Chinamasa wathi esenza ibudget yakhe yayingeye $4 billion wathi i $3.6 billion iya kuzisebenzi zikahulumende. Kutsho ukuthi vele imali yakhona yayingekho," kutsho uNgwenya.

UNgwenya uthi ukuvalwa kwamankampani kwabangela ukuthi uhulumende aswele imali ngoba amankampani ayemele abhadale imithelo swavalwa.

XS
SM
MD
LG