amalinks wokungena

Breaking News

Izisebenzi ZikaLoliwe Zitshengisela Ngoba Sezilomnyaka Zingaholi


Izisebenzi zenkampani ka Loliwe koMutare ezedlula ikhulu zitshengisele NgoLwesibili zikhonona ngeholo ezithi sezilesikhathi esifika phose umnyaka zingalitholanga.

KoBulawayo izisebenzi zenkampani le zikhalale umsebenzi okwamaholo amabili zathi zizaqhubeka zitshengisele linkampani ize ilungisise izikhalazo zazo ezibalisa ukuxotshwa kweziphathamandla ezithi yizo ezingenise linkmpani emlindini ongelamkhawulo.

Edolobheni leGweru lakho kubikwa izisebenzi zikhalele umsebenzi.

Isikhulumeli salinkampani, uMnu. Fanuel Masikati utshele iStudio Seven ukuthi kalisiloqiniso ukuthi udubo lubangelwa yiziphathamandla esithi ukuvalwa kwamankampani yiso isisusa sodubo lukaLoliwe.

Izisebenzi zeMutare ezikhalale umsebenzi bezithwele amabhakani asola inkokheli kaLoliwe njalo zihlabela lengoma ezisola iziphathamandla zenkampani le.

UChris Gande weStudio Seven uxoxe lomsekeli kamgcinisihlalo wenhlanganiso elwela ilungelo lezisenzi, iZCTU, esigabeni seZansi uMnu. Ambrose Mlilo othi mpela inkampani ka Loliwe ilalo ithuba lokuthola inzuzo nxa ingaphathwa kuhle yiziphathamandla.

please wait

No media source currently available

0:00 0:02:07 0:00
Lapho esitholakala khona

XS
SM
MD
LG