Uhlangothi lokubuthaniswa kwemithelo, olwe ZIMRA, luthi indlela yokulungisisa ezomnotho welizwe lunye nje kuphela – ukuqunywa kweholo lezisebenzi zikahulumende.
Umkhokheli waloluhlangothi, uMnu. Gershom Pasi utshele iphephandaba le The Herald ukuthi uhulumende kumele alume lapho abona ukuthi uzenelisa ukuhlafuna esithi nxa iholo lingehliswanga ilizwe lizazithola liphakathi kwenkinga engasoze afa ayiphuma.
UPasi uthi ilizwe lilezisebenzi eziyingxenye yesigidi-500 000 okubangela ukuthi imali yonke ebuthaniswa nguhulumende iphelele kuholo.
Lokhu kulandela imbiko kamphathintambo wezemali, uMnu. Patrick Chinamasa othe enye indlela yokulungisisa umnotho yikumisa ukukhwezwa kweholo lezisebenzi.
Umkhokheli wenhlanganiso yamatitshala iZIMTA, uMnu. Sifiso Ndlovu utshele uchris Gande weStudio Seven ukuthi nxa lelinyathelo lingathathwa kuzakuba lokutshengisela okukhulu.
UChris uphinde saxoxa lengcwethi ecubungula ezombusazwe, uMnu. Rejoice Ngwenya ukuze sizwe imbono yakhe ngaloludaba.