Izisebenzi zesigodlweni sabameli be Libya eHarare, zidabule zatshisa i flag yelizwe lazo zisithi kazisamfuni okhokhela lelo lizwe uColonel Muammar Ghadaffi. Izisebenzi lezi ezilitshumi lanhlanu zithi sezidiniwe ngobukhokheli buka Gaddaffi. UMnumzana Ahmed Rabdi utshele i Studio 7 ukuba akukho ntuthuko esithe yenziwa nguGhadaffi okweminyaka eyedlula amatshumi amane ekhokhela ele Libya.
UGhadafi akaziwa ukuthi ucatshe ngaphi ngemva kokungena ngodlakela esigdodlweni sakhe
kwabamhlamukelayo.
Izizalwane zakwele Libya eHarare ekade zibuthene esigodlweni sabe Libya eHarare zitshele iStudio 7 ukuba zikhathele ngobukhokheli bukaGhadaffi. Laba bantu bakhweze iflag endala esisetshenziswa ngabahlamukela uGhadhafi. Kubika intathelizindaba yethu u Mavis Gama eseHarare.
Kunjalo nje, lanxa icele leMDC elikhokhelwa nguMnu. Morgan Tsvangirai lisithi kalifuni ukuthi uGhadhafi aphiwe ubuphepheli eZimbabwe abazi ngokwenzkalayo bathi uMugabe nguye yedwa olamandla okuthi amuphe na ubuphepheli kumbe hatshi.
Ele Libya lilenotho enengi eZimbabwe kodwa linotho, egoqoela amapulazi iyimfihlo ngoba ibhizimusi phakathi kwemazwe womabili lenzelwa ensitha. Inotho eyazakalayo eye Libya eselizweni yizabelo kubhanga leJewel Bank. Amanye amazwe womhlaba abikwa esebisele abahlamukela uhulumende ka Gadhafi abeqembu leTransitional National Council inotho yalelo lizwe. UMnu. Max Mkandla ingcwethi ecubungula ezembusazwe, uphe iStudio 7 imbono yakhe ngaloludaba.
