Izizalwane zeZimbabwe ezibhalise ukudinga incwadi zokuhlala ukusebenza kanye lokufunda kwele South Africa ngokusemthethweni zithi i hofisi yesigodlo sabameli beZimbabwe kulelolizwe eye Consulate ayibazisi ngokucacileyo ukuthi incwadi zabo zama passports sezilungile kumbe hatshi.
AbeZimbabwe besabela ukuthi umhlaka 31 July owabekwa nguhulumende we South Africa ukugqiba lolu hlelo ungafika bengakatholi incwadi ezeneleyo.
Lokhu kulandela imbiko evela kulihofisi ethi abeZimbabwe kumele bezodinga incwadi zabo ezalungiswa eZimbabwe ngoba sezizinengi kakhulu.
UMnu. Ngqabutho Dube, isiphathamandla se Stakeholders’ Forum, ephathisa kuloluhlelo, utshele uSithandekile Mhlanga weStudio 7 ukuthi kufanele iConsulate ibhale amabizo iwaphanyeke emdulwini ngoba ukwazisa abantu ngama text messages lasebulenjini akusebenzi kuhle.