amalinks wokungena

Breaking News

Izizalwane ZeZimbabwe Ezikwamanye Amazwe Zingahlawuliswa Umthelo


Umphathintambo obona ngezemali uMnumzana Tendai Biti ngeviki edluleyo wethule ugwalo olumumethe amacebo okuvuselela ilizwe ,ese Manchester University kwele Bhilithane, olukhuthaza ukuthi izizalwane zeZimbabwe ezihlala kwamanye amazwe zihlawuliswe umthelo.

Ugwalo lolu luqoqwe yinhlanganiso ethiwa Brooks World Poverty Institute eye University of Manchester. Izikwicamfundo zeZimbabwe ezedlula itshumi eziphuma kunhlangothi ezehlukeneyo ziphatheke ekulotshweni kogwalo lolu olula macebo okuvuselela ezenotho, ezemfundo, ezokulima, ezempilakahle lokunye okuphathelane lokuvusa ilizwe.

Kuphume njalo umqondo wokuthi izizalwane zeZimbabwe ezihlala kwamanye amazwe zingaba lakho ukukhuthazwa ukuthi zihlawule umthelo kanye ngomnyaka ukuthi zibe lelungelo lokuvota lokuqhubeka ziyizizalwane zalelolizwe, okuyinto esolwa kakhulu linengi lalabo abahlala kwamanye amazwe, Abanye babo bengababalekela ukuhlukuluzwa nguhulumende kamongameli Robert Mugabe.

UMnumzana Mqondobanzi Magonya yingcwethi ecubungula ezombusazwe ehlala kweleBhilithane. UMagonya utshele uBrenda Moyo weStudio 7 ukuthi okunye okumunyethwe lugwalo lolu kulakho ukusetshenziswa ukuvuselela ilizwe, esola okunye okumunyethwe yilo.

‚Äč
XS
SM
MD
LG