amalinks wokungena

Izizalwane ZeZimbabwe Zilentokozo Ukwedlula Ezakwamanye Amazwe

  • Ntungamili Nkomo

Izizalwane zeZimbabwe zibikwa zihlezi zingezi jabulileyo ukwedlula ezakwamanye amazwe agoqela laphucukileyo kwezenotho afana leSouth Africa leBotswana.

Lokhu kuphume ekudingisiseni okwenziwe yiNew Economics Foundation, okuyinhlanganiso ezimele yodwa kweleBhilithani ecubungula okutshiyeneyo ngokuphila kwabantu.

Inhlanganiso le ithi uphenyo elwenzileyo, olweHappy Planet Index, luveze ukuthi eleCosta Rica yilo elilabantu abajabule ukwedlula abantu bonke emhlabeni jikelele, lilandelwa yiVietnam, kuzobuya iColombia.

Okumanganisayo yikuthi abantu bemazweni alempi afana leIraq leAfghanistan babikwa bejabulile ukwedlula amazwe alokuthula njengeMelika, iBhilithani leZimbabwe.

EleIraq lihlezi ku-number 36, kuthi iMelika iku-number 105.

Okumangalisayo njalo yikuthi lanxa izizalwane zeZimbabwe ezinengi ziphephela kweleSouth Africa leBotswana, uphenyo lolu luveze ukuthi izizalwabe zeZimbabwe zijabulile ukwedlula ezamazwe womabili.

IZimbabwe ihleli ku-number 115, iSouth Africa ku-142, kuthi iBotswana isemsamo wamazwe akulolu phenyo, ku-number 151.

XS
SM
MD
LG