Ingcwethi kwezokulima zithi isivuno salonyaka asisoze sibe sihle kwezinye indawo zelizwe ngenxa yokusilela kwezulu kanye lezinto zokulimisa okugoqela imvundiso lenhlanyelo.
Inhlanganiso ye Zimbabwe Commercial Farmers’ Union ibikwa isithi izilimo zingafa esigabeni se Matabeleland South nxa izulu lingananga kumaviki amabili azayo.
UMnumzana Renson Gasela, ingcwethi kwezokulima njalo eyisiphathamandla secele le MDC elikhokhelwa nguMnumzana Arthur Mutambara uthi kwezinye indawo ezinjengeMashonaland, lapho izulu elina khona ngcono, lazo kazisoze zithole isivuno esihle ngoba imvundiso isilela.