Ukudonselana kwezikhundla kubikwa sekubhahile ebandleni leMDC elikhokhelwa nguMnu. Morgan Tsvangirai phambilini kokhetho olungenziwa ngasiphi sikhathi. Ukudonselana lokhu sekubangele ukumiswa ukuba ngamalunga kwamanye amalunga edale lephalamende amabili esigabeni seManicaland.
Okunye okwengezelela ukuxokozela lokhu kubikwa kuyikuswelakala kwemigoqo ebopha amalunga afuna ukuncintisa ezikhundleni zamalunga edale lephalamende leSenate. Lelibandla libikwa lingacina lisebenzisa imigoqo efana lesetshenziswa libandla le ANC lakwele South Africa. Limigoqo ipha amandla amalunga akhethwe emhlanganweni weCongress ukukhetha amalunga amadale la.
Kodwa umsekeli wesikhulumi sebandla leli, uNkosazana Thabitha Khumalo utshele iStudio 7 ukuthi kabakavumelani lemigoqo le.