amalinks wokungena

Breaking News

Kasuke Esihlalweni uTomana, Kutsho Ingcwethi


UMnu. Munyaradzi Kereke

Abezombusazwe kunye labezomthetho bathi umtshutshisi omkhulu welizwe, uMnu. Johannes Tomana kumele asuke esikhundelini kulandela ukugwetshwa ukuhlala ejele okwenyanga eyodwa phezu kokwala kwakhe ukuthi amacala amabili eligoqela ukudlwengulwa kwentombazana esakhululayo.

UTomana wala yonke imizamo eyenziwa ngamagqwetha kantombazana owayeleminyaka elitshumi othiwa wadlengulwa nguMnu. Munyaradzi Kereke, isiphathamandla sebandla le Zanu PF kunye lecala lika Nkosikazi Jane Mutasa owetheswa icala lokweba imali yenkampani kamakhalekhukwini, iTelecel.

Kodwa umthethwandaba wesisekelo sombuso welizwe unqume ukuba uTomana obikwa ekucele leZanu PF elikhokhelwa ngumsekeli kamongameli, uMnu. Emmerson Mnangagwa kumele aye ejele okwenyanga kodwa waphiwa amalanga alitshumi ukuthi aphikise lesi singqumo.

Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Nhlanhla Dube endawonye lomsekeli wesikhulumeli sebandla le People’s Democratic Party, uMnu. George Mkhwananzi.

UMkhwananzi uthi isinqumo esithethwe lidale le supreme siyamangalisa ngoba ngesakuqala kumbali yelizwe ukuthi isiphathamandla esinjengo Tomana sigwetshwe.

"Ngiqhubekele phambili ngithi konke lokhu ngokubona kwami ngicabangela ukuthi kuveza ukuqhekezeka kwebandla elibusayo," kutsho uMkhwananzi.

UDube uvumelane lo Mkhwananzi wengezelela esithi ibandla le Zanu PF beselilosiko lokuthi ingatsha ezimele zisebenzele isizwe zibonakale ingani ngezebandla.

"Uzananzelela ukuthi abanye abaphethe ingatsha ezinjengezamapholisa, ibutho uzabezwa bephatheka ngesikhathi sokhetho besithi bona abangabalalela ngosibanibanyana," kutsho uMkhwananzi.

please wait

No media source currently available

0:00 0:04:15 0:00
Lapho esitholakala khona

XS
SM
MD
LG