Iziphathamandla zombukiso we Zimbabwe International Trade Fair zibikwa zisithi zithemba ukuthi umbukiso lo, oqalisa ngenyanga ezayo, uzabangcono kuloweminyakeni edluleyo ngoba umumo wezenotho lezombusazwe usungcono lokhu kwabunjwa uhulumende womanyano.
Kubikwa inengi lamankampani azobukisa engelahlonzi, kodwa umgcinisihlalo walumbukiso, uMnu. Bekithemba Nkomo, uthi umbukiso lo uzaphumelela, njalo inkampani inye-ngayinye izadingelwa ubudlelwano kumankampani akwamanye amazwe.
Kodwa uMnu. Matson Hlalo, owayengumqonsisi wenhlanganiso ye Affirmative Action Group, ebona ngokuthuthukiswa kwamabhizimusi abansundu, utshele uSithandekile Mhlanga we Studio 7 ukuthi umthetho we Indeginization and Empowerment Act osanda kwenziwa umthetho welizwe uzaxotshela amankamapni amanye amazwe khatshana ngoba uncindezela osomabhizimusi abamhlophe.