amalinks wokungena

Breaking News

Kambe EleZimbabwe Kumele Livunyelwe Ukuthengisa Santando Amadayimana eMarange Na?


EleZimbabwe lizakuma ngesinqumo esathathwa ngumgcinisihlalo we nhlanganiso ebona ngokuthengiswa kwamadayimana eye Kimberley Process uMnu. Mathieu Yamba esokuthi elezimbabwe lithengise amadayimana alo enjiwa eMarange.

Umphathintambo kahulumende obona ngezemigodi uMnu. Obert Mpofu ugcizelele ukuthi eleZimbabwe lizakuma ngesinqumo esathathwa ngumgcinisihlalo we nhlanganiso ebona ngokuthengiswa kwamadayimana eye Kimberley Process uMnu. Mathieu Yamba esokuthi eleZimbabwe lithengise amadayimana alo enjiwa eMarange, ngakho alisoze lamukele UMnu. Simon Gilberts enye inhloli yalinhlanganiso.

Lokhu kulandela ukudonselana osokuqhamuke, eleSouth Africa lisithi lisekela ukuthi eleZimbabwe lithengise amadayimana la kodwa amazwe aphetsheya, emanyene lenhlanganiso ezizimeleyo esithi uhulumende weZimbabwe wephula amalungelo oluntu ekwenjiweni kwamadayimana la ngakho kumele aqale alandele izinqumo ezithile andubana amadayimana athengiswe.

Ukucubungula loludaba, uSithandekile Mhlanga weStudio 7 uxoxe lengcwethi ezicubungula ezombusazwe uMnu. Rejoice Ngwenya endawonye loMnu. Walter Nsununguli Mbongolwane bona abavumelana ukuthi ngempela kumele eleZimbabwe liqale lilungise okuhluphayo lingakathengisi amadayimana la.

XS
SM
MD
LG