Ibandla le ZAPU lithi kufanele kudingwe ilanga lokunanza ukuthula elizweni, elingalakwenza le sivumelwano se Unity Accord, esalotshelanwa ngomnyaka ka 1987 kumanyana ibandla le PF ZAPU elalikhokhelwa ngumuyi uMnumzana Joshua Nkomo, kanye lele ZANU PF elalikhokhelwa ngumongameli Robert Mugabe.
Isivumelwano lesi sibikwa samisa ukubulawa kwabantu e Midlands le Matabeleland, libutho le Fifth brigade, ngesikhathi esazakala ngokuthi yi Gukurahundi.
NgolweSibili kube kulikhefu lokunanza i-Unity Accord le, i Unity Day, njalo amabhizimusi amanengi abikwa evaliwe, kodwa amanye eziqhubela umsebenzi njengensukwini. Imisakazo kanye lamaphephandaba ibikwa ilokhu ilandisa imbali ye Unity Accord.
UMnu. Methuseli Moyo, isikhulumi se bandla le ZAPU, utshele uSithandekie Mhlanga we Studio 7 ukuthi kufanele kunanzwe ilanga elizagoqela amabandla wonke ezombusazwe kanye labantu makhaza