Kulandela imbiko kahulumende yokuthi uzengezelela izisebenzi iholo ngemali ephakathi kwamadola amabili isiyafika kumatshumi amabili lamuhla amatitshala ahlangene lomphathintambo wezemfundo kodwa akuvunyelwananga lutho. Izisebenzi zikahulumende sezithe nxa uhulumende engazengezelelanga iholo ngesilinganiso semali eziyifunayo efika kumakhulu amahlanu zizakhalala umsebenzi amalanga alitshumi lane engedlula kungenzakalanga.
Ukuze sihlaziye loludaba uChris Gande weStudio 7 uxoxe lesiphathamandla senhlanganiso yamatitshala, iProgressive Teachers’ Union of Zimbabwe, uMnumzana Vusumuzi Mahlangu, lengcwethi ecubungula ezombusazwe, uMnu. UGeorge Mkhwananzi, onguye osungula lingxoxo.