Kuhlelo lwethu Liphuma Lendaba Litshona liviki, sixoxa lomgcinisihlalo webandla leMDC-T, uMnu. Lovemore Moyo kulandela ukugqitshwa komhlangano webandla leli omkhulu owokukhetha inkokheli owenzwe eHarare ngeviki edluleyo oweCongress.
Inkokheli yaphezulu ebalisa uMnu. Morgan Tsvangirai yena uMoyo kunye labanye kayincintiswanga. Kodwa umncintiswano obukhangelelwe ngabanengi ngobuphakathi kukamnu. Nelson Chamisa loMnu. Douglas Mwonzora befuna isikhundla esatshiywa nguMnu. Tendai Biti esokuba ngunobhala jikelele webandla.
UMnu. Mwonzora ukhethwe yinkokheli yesigaba esisodwa phambilini kokhetho lolu kuthi uMnu. Chamisa yena ubekhethwe yizigaba eziyisitshiya galo lunye. kodwa kuthe kufika ukhetho lweCongress uChamisa wangqotshwa.
UMoyo uthi kumele lelibandla liguqule indlela okukhethwa ngayo inkokheli.
