amalinks wokungena

Breaking News

Amabandla Ezombusazwe Aphikisana Ngokuthi Ukhetho LweReferendum Luzaphela Nini


Omunye wabagcinisihlalo bekomidi yedale lephalamende ebona ngokulotshwa kutsha kwesisekelo sombuso uthi ikomidi le ilakho ukuqedisa ugwalo lwe Draft Constitution ekupheleni kukaMfumfu kuthi ukhetho lwe referendum luqhutshwe ngoZibandlela ngomnyaka ozayo.

Omunye wabagcinisihlalo bekomidi yedale lephalamende ebona ngokulotshwa kutsha kwesisekelo sombuso eye COPAC, uMnu. Paul Mangwana uthi ikomidi le ilakho ukuqedisa ugwalo lwe Draft Constitution ekupheleni kwenyanga kaMfumfu kuthi ukhetho lwe Referendum lokwamukela loba ukwala liDraft luqhutshwe ngozibandlela ngomnyaka ozayo.

UMnu. Edward Mkhosi omunye wabagcinisihlalo beCOPAC ekucele le MDC elikhokhelwa nguMnu. Welshman Ncube uthi lokhu kulakho ukwenzeka nxa zonke inhlelo eziphansi kwalikomiti ziqhutshwe kuhle.

Kodwa uNkosikazi Gladys Dube Gombami, umsekeli kamgcinisihlalo walikomiti ekucele le MDC elikhokhelwa nguMnu. Morgan Tsvangirai utshele uSithandekile Mhlanga weStudio 7 ukuthi kavumelani lamazwi kaMangwana ngoba ikomiti yakhe ibhekane lengxaki ezigoqela ukuswelakala kwemali kanye lokungavumelani ngendlela okumele uhlelo lolu luqhutshwe ngayo.

XS
SM
MD
LG