amalinks wokungena

Breaking News

Census: KoBulawayo Yikho Okulabolova Ukwedlula Ilizwe Lonke


Zimbabwe Congress of Trade Unions ZCTU
Zimbabwe Congress of Trade Unions ZCTU
Idolobho lakoBulawayo yilo elilenani labantu abangasebenziyo nxa kuqathaniswa lelizwe lonke, kutsho ugatsha lwe Zimstat kulandela ugwalo olwethulwa ngemva kokubala abantu elizweni jikelele.

Lolugwalo lutshengisa ukuba idolobho lilabantu abazinkulungwane ezingamgakhulu angamatshumi amane, 430,972 abaleminyaka elitshumi lanhlanu, 15 year, kodwa abayisilinganiso esingamatshumi amabili lasikhombisa, but 27 percent kabasebenzi.

Lolugwalo lukhomba ukuba abantu abayisilinganiso esilitshumi lasithoba munwe munye ekhulwini, 19 percent, ngama loja. Kuthi abayisilinganiso esingamatshumi amahlanu lasithoba munwe munye, 59 percent, yibo abalezindlu zabo.

Kusenjalo, inhlanganiso elwela amalungelo ezisebenzi eye Zimbabwe Congress of Trade Unions (ZCTU) ithi inengi lamankampani elizweni, ikakhulu koBulawayo lezigabeni zeMatabeleland alokhu eqhubeka evalwa kumbe emisa izisebenzi umsebenzi, osokubangele ukuthi imuli ezinengi zibhekane lohlupho lokuthola imali yokuziphilisa.

Lokhu kwenzakala inkampani ye Hwange Colliery isithi izamisa umsebenzi izisebenzi eziyinkulungwane eyodwa elengxenye -1500, ngoba isifuna ukuguqula okunengi kulinkampani.

UMnu. Reason Ngwenya, isiphathamandla se ZCTU utshele uSithandekile Mhlanga weiStudio 7 ukuthi inhlanganiso yakhe ihlezi ilamula phakathi kwezisebenzi ezilahlekelwa ngumsebenzi kanye labaqhatshi bazo ngokuphathelane lemali okufanele izisebenzi ziyiphiwe nxa sezigunyulwa emsebenzini.
please wait

No media source currently available

0:00 0:02:06 0:00
Lapho esitholakala khona
XS
SM
MD
LG