Udadewabo kaMongameli Robert Mugabe uNkosazana Sabina Mugabe kasekho.UNkosazana Mugabe ubhubhele eHarare esibhedlela seAvenues Clinic emadabukakusa ngoLwesine ngemva kokugula okwesikhathi eside. Kodwa akukabi sobala ukuthi udliwe ngumkhuhlane bani.
Umuyi ubeseleminyaka engamatshumi ayisikhombisa lanhlanu-75. Idale lePolitburo leZanu PF lihle labiza umhlangano wesiphangiphangi ekuseni lavumelana ukuthi anikezwe inhlonipho yeqhawekazi lesizwe.
UNkosazana Mugabe uke waba ngumeli weMakonde East edale lephalamende ngo 1985 kwathi ngo1990 wamela iZvimba South waze watshiya lesisikhundla ngo2008. Utshiye abantwana abathathu abathi, uLeo Mugabe, uPatrick lo Robert Zhuwawo.
Ukunikezwa inhlonipho yobuqhawe ludaba oluhluphayo kakhulu kuhulumende womanyano, abeMDC besethesa iZanu PF umlandu wokunikeza linhlinipho kwabeZanu PF kuphela.
