amalinks wokungena

Breaking News

Kubotshwa Abantu Abambalwa Phambilini kweCongress yeZanu PF


Jabulani Sibanda

Owayengumkhokheli wenhlanganiso yabalwa impi yenkululeko, iZimbabwe National Liberation war Veteran’s Association, uMnu. Jabulani Sibanda ubesemthethwandaba eHarare ngoMvulo esetheswa icala lokweyisa uMongameli Mugabe lomkakhe uGrace ngemva kokubotshwa kwakhe ngoMgqibelo. Umtshutshisi, uMnu. Jonathan Murombedzi uthe uSibanda uzamele aphenduke emthethwandaba ngoLwesithathu.

USibanda wetheswa icala lokuthi wathi ubukhosi abuthethelelwana ecansini njalo wafanisa ukuphiwa isikhundla sokukhokhela uhlangothi lwabesifazana ebandleni leZanu PF kukaNkosikazi Mugabe kufana lomvukela wekamelweni, I bedroom coup.

Lokhu kwenzakala sekuqhamuke umkhankaso wokubopha abantu mahlayana kungakhanyi ukuthi balamacala bani. NgoMgqibelo kubotshwe unobhala jikelele webandla leMDC-T, uMnu. Douglas Mwonzora esetheswa icala lokusebenzisa imali yabantu abamelayo emthethwandaba njengegqwetha.

Kuthi ngelanga linye kwabotshwa uMnu. Job Sikhala, ilunga le MDC-T owetheswa icala lokufuna ukugenqula umbuso kaMongameli Mugabe okungekho emthethweni. USikhala utshele iStudio Seven ukuthi amapholisa amtshaye amhlukuluza kabuhlungu waze wasiwa esibhedlela. Uthi uzethula udaba lokutshaywa ngamapholisa emthethwandaba kusasa.

UChris Gande weStudio Seven uxoxe loMnu. Joseph Tshuma, ilunga ledale le Central Committee yebandla leZanu PF othi ukubotshwa kwabantu lokhu kusemthethweni.

Ingxoxo loMnu. Joseph Tshuma
please wait

No media source currently available

0:00 0:01:42 0:00
Lapho esitholakala khona

UChris uphinde waxoxa lowalwa impi yenkululeko, uMnu. Max Mkandla othi ukubotshwa kwabantu lokhu okwenziwa ngamapholisa kutshengisa ukuba ibandla leZanu PF seliphelelwe ngumphako.

Ingxoxo loMnu. Max Mkandla
please wait

No media source currently available

0:00 0:02:09 0:00
Lapho esitholakala khona

XS
SM
MD
LG