amalinks wokungena

Breaking News

Kubotshwa Abasekeli BeMDC Phezu Kodaba Lokubhonjwa Kwehofisi yeZanu PF


Amalunga ebandla leMDC elikhokhelwa nguMnu. Morgan Tsvangirai edolobheni leGweru abikwa esedlela evalweni kulandela ukubotshwa kwabanye babo besetheswa icala lokubhomba amahofisi ebandla leZanu PF.

Amapholisa abophe abasakhulayo bebandla leli abathathu ngolweSine. Isikhulumi samapholisa eGweru, u Inspector Patrick Chademana utshele iphephandaba le The Herald ukuthi baphakathi kokucubungula loludaba ngenjongo yokubopha ababhombe ihofisi le angomakhelanwe lamahofisi amapholisa ensitha, ama CIO edolobheni leGweru.

Ibandla leMDC liyandula ukuthi liphatheke ekubhonjweni kwamahofisi la lisithi le yindlela nje eyokuhlukuluza abasekeli balo phambilini kokhetho.

Isikhulumeli salelibandla enkabazwe, uMnu. Cornelius Seliphiwe utshele uChris Gande weStudio 7 ukuthi abasekeli bebandla lakhe bathithibele ngesehlakalo lesi.

XS
SM
MD
LG