amalinks wokungena

Breaking News

Kubotshwa Abasekeli BeMDC KaTsvangirai Besetheswa Icala Lokubulala Ipholisa


Amapholisa abophe abasekeli balelibandla abalitshumi lanhlanu abacatshangelwa ukuthi yibo ababulale elinye ipholisa eGlen View ngeSonto

Kulabasekeli beMDC ekhokhelwa nguMnu Morgan Tsvangirai abedlula itshumi lanhlanu ababotshwe eHarare ngoMvulo besetheswa icala lokubulala elinye ipholisa emzini weGlen View, ngeSonto.

Isikhumulemi samapholisa uSuprintendent Andrew Phiri utshele iStudio 7 ukuthi amapholisa ahambe eGlen View ngemva kokuthola imbiko yokuthi abasekeli beMDC bebesenza umhlangano bengela mvumo.

Kulapho ke amapholisa la afike ahlaselwa khona yizikliwi lezi zisebenzisa izikhali ezitshiyeneyo zabulala uInspector Petros Mutedza kwathi elinye ipholisa elingaqanjwanga ngegama lalimala kakubi. UPhiri uxwayise ukubana bazajeziswa kubi bonke abaphatheke kulesisiga.

Isikhulumeli seMDC kaTsvangirai uMnu Douglas Mwondzora uthe akusilo qiniso ukuba abasekeli bebandla lakhe yibo abenze lesisiga, sona esesidale ukufuthelana okukhulu kuhulumende womanyano.

Ingcwethi ecubungula ezombusazwe uMnu Brilliant Mhlanga utshele uNtungamili Nkomo weStudio 7 ukuthi isehlakalo lesi silihlazo elikhulu njalo bonke abasenzileyo kumele bajeziswe kabuhlungu.

XS
SM
MD
LG