amalinks wokungena

Breaking News

Kubotshwa Iziphathamandla ZePTUZ KoBulawayo Okwesikhatshana


Iziphathamandla zenhlanganiso elwela amalungelo ababalisi eye Progressive Teachers Union of Zimbabwe (PTUZ), uNkosazana Nokuthula Hlabangana loMnu. Vusumuzi Mahlangu zibotshiwe okwesikhatshana ngamapholisa lamuhla, zibuzisiswa ngokuthi kungani zithwele izikipa, ama calender, kanye lama newsletters alinhlanganiso.

Iziphathamandla zenhlanganiso elwela amalungelo ababalisi eye Progressive Teachers Union of Zimbabwe (PTUZ), uNkosazana Nokuthula Hlabangana loMnu. Vusumuzi Mahlangu zibotshiwe okwesikhatshana ngamapholisa lamuhla, zibuzisiswa ngokuthi kungani zithwele izikipa, ama calender, kanye lama newsletters alinhlanganiso.

UNkosazana Hlabangana utshele uSithandekile Mhlanga we Studio 7 ukuthi amapholisa athe kawayazi inhlanganiso ye PTUZ njalo abecabangela ukuthi bafuna ukuyatshengisela.

Kusenjalo, inhlanganiso kahulumende ebona ngokulotshwa kwemihloliso eye Zimbabwe School Examinations Council, iZIMSEC, ithi inani labantwana eliphumeleleyo ezifundweni ze Ordinary le Advanced Level liqongile nxa liqathaniswa lelomnyaka ka 2010.

Izikolo ezikhokhelayo kumpumela emihle yemihloliso zikhokhelwa yi St Faith’s yeManicaland le Shungu yeMidlands kumihloliso ye “A” level.

Kumihloliso ye “O” Level izikolo eziqanjiweyo ezisemhlubulweni wematabeleland le Bulawayo yi John Tallach, Marist Brothers, Usher, le St. Columbus.

UMnu. Thandeko Zinti-Mnkandla, yingcwethi ecubungula ezomfundo njalo emela iGwanda North edale lephalamende, ekucele le MDC elikhohelwa nguMnu. Welshman Ncube.

UMnkandla utshele uSithandekile Mhlanga we Studio 7 ukuthi ukuswelakala kwamabizo ezikolo eziseMatabelalnd le Bulawayo kwezikhokhelayo kumpumela enhle ye “A” level kubangelwa yikuthi ababalisi abanengi bakulesisigaba basuka bayasebenza eSouth Africa, Botswana, kanye lakwamanye amazwe, njalo abavela kwezinye izigaba zelizwe kabalandaba lokuthi abantwana bayaphumelela kumbe hatshi.

XS
SM
MD
LG