amalinks wokungena

Breaking News

Kubotshwa Umhleli WeStandard UMnu Madanhire


Amapholisa asebophe umhleli wephephandaba leStandard uMnu Nevanji Madanhire phezu kodaba olubophise intatheli yaleli phephandaba uNqobani Ndlovu kumaviki edluleyo obeluphathelane lokubizwa kwabalwa impi yenkululeyo ukuba bazethatha izikhundla esipholiseni.

UMadanhire ubotshelwe enkambeni yeHarare Central Police Station ngoLwesibili ngemva kokuba eye khona legqwetha lakhe uMnu Chris Mhike ukuyaziveza ngoba ethole imbiko yokuba amapholisa ebemdinga.

Umninidaba olubophise uMadanhire, uNqobani Ndlovu yena uvalelwe entolongweni okwensuku ezilitshumi waze wakhululwa ngoLwesihlanu ngeviki edluleyo ngumahluli weHigh Court koBulawayo.

UMhike utshele iStudio 7 ukuba uMadanhire uzalala esitokisini njalo ukhangelelwe ukumiswa phambi komthethwandaba ngoLwesithathu.

Umsekeli kamgcinisihlalo weMISA-Zimbabwe uMnu Njabulo Ncube usole ukubotshwa kukaMadanhire esithi yikuqhubeka kokuhlukuluzwa kwentathelizindaba elizweni.

Okuhambelana lalokhu

‚Äč
XS
SM
MD
LG