Osomabhizimusi kanye labantu makhaza edolobheni lako Bulawayo bakhonona ngokuqunywa kukagetsi mahlayana okwenziwa yinkampani ye Zimbabwe Electiricity Supply Authority.
I ZESA yona ithi lokhu kubangelwa yibunzima ehlangana labo esitishini se Hwange Power Station. Inhlanganiso ezigoqela i Matabeleland Chamber of Industries, kanye le Bulawayo Residents Association sezisole kakhulu isenzo se ZESA, njalo eye Zimbabwe National Chamber of Commerce ithi lokhu kuzabangela ukuthi amankampani akhweze intengo yemphahla ngoba esesebenzisa imitshina yama generator, azithengela yona.
UMnu. Emmanuel Ndlovu, isiphathamandla se Bulawayo Progressive Residents Association, utshele uSithandekile Mhlanga we Studio 7 ukuthi inhlanganiso yakhe isiqoqe imihlangano lamankampani agoqela iZESA le Tel One, ukuze achasisele izakhamizi okwenzakalayo.