amalinks wokungena

Breaking News

Kudutshulwa Intuthu Ehitshayo Emthethwandaba Kuthoniswa Icala LikaMadzore


Amapholisa ahlome ngezamboko adubule intuthu ehitshwayo atshaya kakubi abasekeli becele leMDC-T emthethwandaba weHarare lapho okuqale ukuthoniswa icala lomgcinisihlalo wentsha yalelibandla, uMnu. Solomon Madzore labanye.

Abasekeli becele leli, elikhokhelwa nguMnu. Morgan Tsvangirai babikwa bebehlabela ingoma ezicothoza amapholisa bethwele amabhakane alotshwe ukuthi uMadzore kumele akhululwe. Kucine kubotshwa umsekeli kaMadzore, uMnu. Costa Machingauta.Sikhuluma nje akwaziwa ukuthi usiwe kuyiphi inkamba.

Phakathi emthethwandaba uMadzore labanye bakhe abangamatshumi amabili lathoba minwe mibili bebe thoniswa kodwa bayalilandula icala abaletheswayo elokubulala ipholisa nyakenye.

Ukuthethwa kwalelicala kuyaqhubekela phambili ngolweSibili. UChirs Gande weStudio 7 uxoxe lonobhala jikelele webandla leli, uMnu. Promise Mkhwananzi ngaloludaba.



XS
SM
MD
LG