amalinks wokungena

Breaking News

Kufa Abantu Abalitshumi Lambili Engozini Yomgwaqo eGwanda


Kulabantu abalitshumi lambili abafele engozini yomgwaqo eWest Nicholson duzane leGwanda ngoMvulo ebusuku ngemva kokuba imota ekade behamba ngayo belubhekise kweleSouth Africa ingqikilane lelori enkulu.

Imota lezi zibikwa zihle zalumatha umlilo njalo izidumbu zatsha kakubi okokuthi akusaphawuleki ukuthi isidumbu esithile ngesikabani.

Ababona ngokucitsha umlilo eGwanda babikwa begijimele kulingozi kodwa behluleka ukucitsha umlilo ngoba bengelamota ethwala amanzi.

Abafileyo bonke ngekade besemoteni yohlobo lweToyota Hilux ebilubhekise kweleSouth Africa.

Kunakanelwa ukuthi abantu laba ngabasebenza eSouth Africa njalo besebebuyela kulelo lizwe ngemva kokuphindela ekhaya ngekhefu lephasika.

Umtshayeli welori yena ubikwa elimele wagiginyiselwe esibhedlela. Ngenxa yokuswelakala kwamanzi, umlilo lo ulele ubhebha njalo izidumbu zize zakhitshwa emoteni ngoLwesibili emini usunganeno.

Asenelisanga ukukhuluma lamapholisa ngaloludaba. Kodwa sixhume isakhamusi seGwanda uMnu Albert Mazhale yena othe kulusizi kakhulu ukuthi abacitsha umlilo behluleke ukunceda abantu laba ngenxa yodubo lwamanzi.

Okuhambelana lalokhu

XS
SM
MD
LG