Icele leMDC elikhokhelwa nguMnu Morgan Tsvangirai lithi kulesiphathamandla salo esibulewe ngoLwesithathu ngemva kokuhlaselwa ngabasekeli beZanu PF.
Lelibandla lithi uMnu Albert Vhiriri utholakale egwaziwe emzini wakhe eGlen View wathwalelwa esibhedlela seHarare Central lapho afele khona.
UMnu Vhiriri uzabekwa ngoMgqibelo eBuhera.
Umsekeli wesikhulumeli seMDC-T uNkosazana Thabitha Khumalo uthi abalakuthandabuza ukuba uVhiriri ubulewe ngabasekeli beZanu PF lanxa engekho obabonileyo bekwenza lokhu.
Kodwa umkhokheli weZanu PF edale lephalamande uMnu Joram Gumbo ukulandule ukuba ibandla lakhe libe lesandla emfeni kaVhiriri.
