Kulandela ukubhubha kwesiphathamandla secele leMDC elikhokhelwa nguMnu. Morgan Tsvangirai -uMnu. Cephas Magura ongcwatshwe ngeSonto eMashonaland East, inhlanganiso ye JOMIC ithi kufanele inkokheli ezikuhulumende womanyano zingenele ekulondolozeni ukuthula elizweni, ukwenzela ukuthi isehlakalo esifana lesikamuyi singenzakali futhi.
Emhlanganweni oqhutshwe eHarare ngoMvulo, abameli bamabandla ezombusazwe akuhulumende womanyano kuJOMIC basole kakhulu indlela uMagura abhubhe ngayo njalo bagcona intsha eyazakala ngokuthi yiChipangano ngokubangela udlakela.
UMnu. Qhubani Moyo, isiphathamandla se JOMIC utshele uSithandekile Mhlanga weStudio 7 ukuthi ukungenela kwenkokheli kahulumende womanyano kuzakhuthaza abalandeli balamabandla ukuthi batshiyane lodlakela.