Amapholisa aweBotswana athi ukungenisa igwayi elivela eZimbabwe ngomkoto sekwandile ngemva kokubamba abatshayeli bamaroli akade ethwele igwayi elingabiza izigidi ezinthathu zamadola eMelika. Igwayi elinengi libikwa lithengiswa emazweni afana leChina kanye leSouth Africa.
Amapholisa aweTsesebe duze lomngcele weRamokgwebana bathi babambe abatshayeli abahlanu abakade betshayela amaroli aziwa kakhulu ngokuthi ngamagonyethi.
Usibalukhulu wenkamba yeTsesebe, uMnunzana Majaboswa Mathitha uthi noma nje abatshayeli laba bebalekile batshiya izimota zabo, bathole igwayi elilamabhokisi inkulungwanwe phose ezingamakhulu amabili-185 000 angabiza izigidi ezinthathu zamadola eMelika-US$3million.
