amalinks wokungena

Breaking News

Kugqitshwa Umhlangano Wabatsha Obuqhutshelwa EMelika


Umhlangano weYoung African Leaders oqale khonapha eWashington DC ngoMvulo uphele ngoLwesine abatsha bekhuthazana ukuthi basebenze gadalala ukuthuthukisa izwekazi le Africa.

Iziphathamandla zikahulumende weMelika zithi azilakuthandabuza ukuthi abaphatheke emhlanganweni lo bazakhula bandlondlobale babe ngabakhokheli bakusasa abalohlonzi abazathuthukisa iAfrica.

Abasakhulayo bona, ekade bemele wonke amazwe eAfrica bathe bajabule kakhulu ngokuthola ithuba lokwabelana ulwazi ngobukhokheli, besithi labo bakhangelele ukuthi babe ngabakhokheli bakusasa abazahlonipha umbuso wabanengi lamalungelo kazulu.

Omunye wabatsha beZimbabwe abaphatheke emhlanganweni lo nguNkosazana Cleopatra Ndlovu. UMaNdlovu uchasisa ngakufundileyo. UNkosazana Ndlovu ukhuthaze njalo abatsha beZimbabwe ukuthi belungiselele ikusasa lelizwe elihle.

Abanye beZimbabwe abaphatheke kulumhlangano ngabathi uMnu Sydney Chisi owenhlanganiso yeYouth Initiative for Democracy in Zimbabwe loMnu Masimba Nyamanhindi oweStudent Solidarity Trust.

Abatsha laba babe lethuba lokuhlangana loMongameli Obama ngoLwesibili, yena osole kakhulu umbuso kaMongameli Mugabe. Umhlangano lo ubuqoqwe lugatsha lweMelika olubona ngobudlelwano lamanye amazwe.

Okuhambelana lalokhu

‚Äč
XS
SM
MD
LG