amalinks wokungena

Breaking News

Kuhlonitshwa Intathelizindaba Eyayidumile uChakaodza


Ngaphambilini kwelanga leWorld Press Freedom Day ngoLwesine, ingcwethi kwezokuthatshwa kwezindaba zithi intathelizindaba kumele zivunyelwe ukusebenza zikhululekile zingaphazanyiswa nguhulumende.

Ekhuluma emkhosini wokunanza imisebenzi kamuyi uMnu Bonwell Chakaodza, yena owayeyintatheli elodumo, uMnu William Bango uthe uhulumende uqhubeka encindezele intathelizindaba.

Owake wasebenza loChakaodza, uMnu Jeoff Nyarota utshele lumsakazo ukuthi kulesidingo sokuba intathelizindaba zilobe indaba ezijulileyo ukuze zihlonitshwe languye uhulumende.

Egcizelela amazwi kaBango, uMnu John Masuku, yena ongumsakazi olodumo uthe kuyadanisa ukuba uhulumende kakazifezi izithembiso azibekayo phezu kokuyekethisa imithetho ephathelane lokuthatshwa kwezindaba.

Umqeqetshi wezifundo zokuthapha izindaba ekolitshini leNational University of Science and Technology, uMnu Zenzele Ndebele laye uvumelane loMasuku kungxoxo ayenze leStudio 7.

XS
SM
MD
LG