amalinks wokungena

Breaking News

Kukhankaselwa Ukuthi UMnu. Morgan Tsvangirai Aphiwe Inhlonipho YeFreedom of the City of Bulawayo


Amalunga ecele le MDC elikhokhelwa nguMnu. Morgan Tsvangirai ahlangene ko Bulawayo ecubungula udaba lokuthi umkhokheli wabo aphiwe inhlonipho ye Freedom of the City of Bulawayo ngenxa yomsebenzi woku thuthukisa ilizwe.

Amalunga ecele le MDC elikhokhelwa nguMnu. Morgan Tsvangirai ahlangene ko Bulawayo ngolweSithathu ecubungula udaba lokuthi umkhokheli wabo aphiwe inhlonipho ye Freedom of the City of Bulawayo ngenxa yomsebenzi woku thuthukisa ilizwe awenzayo.

Inhlonipho le yaphiwa owake waba ngumongameli we South Africa uMnu. Nelson Mandela kanye lomuyi owayengumsekeli kamongameli welizwe uMnu. Joshua Mqabuko Nkomo.

Kodwa ikhansili le, elamalunga awe MDC amanengi ibikwa yehluleke ukuvumelana ukunika inhlonipho efanayo kumsekeli kamongameli uMnu. John Nkomo owebandla le ZANU PF.

UMnu. Bekithemba Nyathi umgcinisihlalo wabatsha kucele le MDC elikhokhelwa nguMnu. Tsvangirai utshele uSithandekile Mhlanga ukuthi umkhokheli wakhe uyifanele linhlonipho.

Umayor walelidolobho uMnu. Patrick Thaba Moyo uvumile ukuthi bekulokungazwisisani ngokuthi uMnu. John Nkomo aphiwe linhlonipho kumbe hayi, kodwa wala ukuthi ikhansili yakhe ilobandlululo.

XS
SM
MD
LG