amalinks wokungena

Breaking News

Kukhethwa Abazadinga Imbono Yomphakathi Ngodaba Lwesisekelo Sombuso


Ikomidi yedale lephalamende ekhokhela uhlelo lokulotshwa kwesisekelo sombuso esitsha ngoMvulo yethule uluhlu lwamagama abantu abangamakhulu amahlanu lamatshumi ayisithupha (560) abazaphuma ijumo ngenyanga ezayo bekhulumisana lozulu ngabafuna kumunyethwe yisisekelo lesi.

Abantu laba babikwa bezaqala umsebenzi ngeviki yesibili kaZibandlela. Ikomidi le yethule amagama abantu laba emhlanganweni ewenze lentathelizindaba eHarare. Yazise njalo ukuthi izaqala ukubalolonga ibafundisa ngokuthi kumele beqhube njani umsebenzi wabo ekuqaleni kukaZibandlela.

Ikomidi le ilabagcinisihlalo abamela amabandla womathathu akuhulumende womanyano. Omela ibandla leZanu PF nguMnu Paul Mangwana, omela icele leMDC elikhokhelwa nguMnu Morgan Tsvangirai nguMnu Douglas Mwonzora kuthi omela iMDC kaMnu Arthur Mutambara nguMnu Edward Mkhosi.

UMnu Mkhosi utshele uNtungamili Nkomo owe Studio 7 ukuthi bakhangelele ukuthi uhlelo lokudinga imbono kazulu lugqitshwe phakathi kwenyanga ezimbili, okutsho ukuthi kumele babe sebeqedile ekupheleni kukaMbimbitho.

Okuhambelana lalokhu

‚Äč
XS
SM
MD
LG