amalinks wokungena

Breaking News

Kukhululwa Ababotshwe Ngamapholisa Bethandazela Ukuthula Ngempelaviki


Abantu abalitshumi lambili ababotshwe ngempelaviki emhlanganweni obuqoqwe yi Christian Alliance owokuthandazela ukuthula elizweni bakhululwe kwathiwa bazabizwa ngamasamanisi kodwa kusele oyedwa oyisiphathamandla secele le MDC elikhokhelwa nguMnu. Morgan Tsvangirai, uMnu. Shakespear Mukoyi ngoba esetheswa elinye icala lokutshaya ipholisa.

Abantu abalitshumi lambili ababotshwe ngempelaviki emhlanganweni obuqoqwe yi Christian Alliance owokuthandazela ukuthula elizweni bakhululwe ngoMvulo ntambama kwathiwa bazabizwa ngamasamanisi kodwa kusele oyedwa oyisiphathamandla secele le MDC elikhokhelwa nguMnu. Morgan Tsvangirai, uMnu. Shakespear Mukoyi ngoba esetheswa elinye icala lokutshaya ipholisa.

UMukoyi ubikwa elimele kakubi ngenxa yokutshaywa ngamapholisa esitokisini njalo ukhangelelwe ukumiswa phambi komthethwandaba ngoLwesithathu.

UMnu. Marufu Mandevere, igqwetha elimela laba utshele iStudio 7 ukuthi abanye abakhululiweyo bagoqela abafundisi ababili labo abatshaywe ngamapholisa.

UMnu. Useni Sibanda, isiphathamandla se Christian Alliance utshele uSithandekile Mhlanga we Studio 7 ukuthi uzibonele ngawakhe amehlo ukuthi ngempela abakhululiweyo laba batshayiwe besezandleni zamapholisa njalo inhlanganiso yakhe izaqhuba umhlangano losikomitshi wamapholisa uMnu. Augustine Chihuri isola lesi senzo.

XS
SM
MD
LG