Sekuqhamuke ukufuthelana phakathi kwabaphiwa amapulazi bevela kwezinye izigaba lezakhamizi zesigaba sentshonalanga yeMandebeleni.
Abalwa impi yenkululeko ababili, abathi uMnu. Andrew Ndlovu loMnu. Stanley Ncube bamiswe phambi komthethwandaba besetheswa icala lokukhokhela uhlelo lokuxotsha abokuza kulesisigaba. Ababili laba ngamalunga ebandla le Zapu.
Umphathintambo wezamafekitali, uMnu. Welshman ncube, ongumgcinisihlalo wogatsha olubona ngokufezwa kwesivumelwano sikahulumende womanyano, iJOMIC utshele uChris Gande weStudio 7 ukuthi mpela kumele abantu abaphiwa umhlabathi babe ngabavela kuleso sigaba.