Ukubanga izikhundla kubikwa lokhu kuqhubekela phambili ebandleni le ZANU PF, ngesikhathi kuqhutshwa umhlangano walelibandla omkhulu oweCongress.
Obengumgcinisihlalo walelibandla e Manicaland, uMnu. Basil Nyabadza ubikwa esekhalele isikhundla sakhe, kulandela ukukhankasela kwakhe ukuthi uMnumzana Didymus Mutasa abe ngumgcinisihlalo walelibandla, hatshi uMnumzana Simon Khaya Moyo okhanye esekhethwe ngezinye izigaba zelizwe. Isikhundla lesi kanye lezinye zikhangelelwe ukuvunyelwana ngokupheleleyo ngolweSihlanu.
USithandekile Mhlanga we Studio 7 uxoxe lo Mnu. George Mkhwananzi, ingcwethi ecubungula ezombusazwe, endawonye lo Mnu. Matson Hlalo, isiphathamandla secele le MDC elikhokhelwa nguMnu. Morgan Tsvangirai ukuze sizwe imbono etshiyeneyo ngokwenzakala kubandla le ZANU PF.