Kubikwa kube lokuxokozela eHarare ngoMvulo, lapho amalunga ekomidi yedale lephalamende ebona ngokulotshwa kutsha kwesisekelo sombuso, eye COPAC, edlula amakhulu ayisithupha atshengisele okwesikhatshana edinga ukuhlawulwa, ngesikhathi uhlelo lokuqoqwa kwembono yabantu ezangena kugwalo lwesisekelo sombuso esitsha lusanda gqitshwa.
Kodwa uNkosikazi Gladys Dube-Gombami, isiphathamandla se COPAC, utshele iStudio 7 ukuthi kube lokungazwisisani ngenxa yokuthi imali iphuzile ukufika, njalo amanye amalunga abelokhu engakabhadalwa avumile ukubekezela ngemva kokuchasiselwa ukuthi azabhadalwa kumaviki amabili azayo.
UNkosikazi Dube utshele uSithandekile Mhlanga we Studio 7 ukuthi kukhangelelwe ukuthi uhulumende kanye lesikhwama somanyano wamazwe omhlaba, ese United Nations Development Fund bachasise okunengi ngaloludaba, kanye lokunye okuphathelane lemali edingakalayo eyokuqedisa loluhlelo.