Amalunga ekomidi yedale lephalamende ebona ngokulotshwa kutsha kwesisekelo sombuso eye COPAC, ahlangene eBeitbridge ngolweSibili leziphathamandla zakuleso siqinti, elungiselela ukuqhuba uhlelo lokuqoqa imbono kazulu ngoLwesibili lweviki ezayo.
Isiqinti se Beitbridge yiso esizaba ngesokucina esigabeni seMatabeleland kulolu hlelo lweOutreach, kodwa iCOPAC ithi izabuyela ukuyaqedisa indawana ezasalayo eNkayi le Tsholotsho. Ngempelaviki ezayo langoMvulo, uhlelo lolu luzaqhutshwa koBulawayo.
UMnu. Believe Gaule, isiphathamandla seCOPAC, utshele uSithandekile Mhlanga we Studio 7 ukuthi ngolweSithathu ikomidi yakhe izaqhuba umhlangnao wokuhlolisisa ukuthi uhlelo beluqhubeka njani njalo luzagqitshwa ngayiphi indlela.