Uhlelo lwentuba zama tollgates, lapho abatshayeli bezimota abahlawula imali esukela kudola elilodwa isiya kwamahlanu, ukuze bedlule kulezintuba, lubikwa solubuthanise izigidi ezedlula ezintathu ezilengxenye esikhwameni sikahulumende, kusukela lusungulwa ngo Ncwabakazi odluleyo.
UMnumzana Albert Mhlanga, ilunga lekomidi ebona ngaloluhlelo edale lephalamende, utshele istudio 7 ukuthi sokulungiswa okuthile obekuhlupha kulezintuba, okugoqela ukufulelwa kwazo, njalo indwendwe ezinde ebe zibonakala sezaphela.
UMhlanga utshele uSithandekile Mhlanga we Studio 7 ukuthi bekulomhlangano omkhulu ngolweSithathu lapho wonke umuntu osemsebenzini ophathelane laloluhlelo, ama stakeholders, abehlafuna ukuthi kungenziwani ukuze lubengcono.