Inengi labantu abakade befuna ukutshada ngempelaNsonto edluleyo libikwa lehlulekile ngoba ihofisi ka Registrar General ibikwa imise abatshadisayo ukuqhuba lumsebenzi kuze kulungiswe izithupha ezintsha zomtshado ezizakwenqabela imitshado elenjongo ezingaqondanga:
Kucatshangelwa ukuthi izizalwane zakwamanye amazwe agoqela i Nigeria le Democratic Republic of Congo zibhalala abesifazana beZimbabwe ukuthi betshade labo ukwenzela ukuthi bethole incwadi zokuhlala elizweni ngokusemthethweni. IStudio 7 kayenelisanga ukukhuluma lehofisi kaRegistrar General ngaloludaba.
Ukuze sihlaziye loludaba uSithandekile Mhlanga we Studio 7 uxoxe loMnu. Siyabonga Malandu Ncube, ummeli we Insiza South edale lephalamende, yena ogcizelela ukuthi abantu ngabe babuziwe ukuthi bafuna kwenziweni andubana kuguqulwe izithupha zomtshado.
