amalinks wokungena

Breaking News

Kungcwatshwa Iziphathamandla ZeMDC Ezibhubele Engozini Yomgwaqo


Iziphathamandla zamabandla ezombusazwe atshiyeneyo zimanyene lezakhamizi zeGweru lemuli yako Mlambo emngcwabeni kamuyi uMnu. Lyson Mlambo obeyisiphathamandla secele leMDC elikhokhelwa nguMnu. Arthur Mutambara

Iziphathamandla zamabandla ezombusazwe atshiyeneyo zimanyene lezakhamizi zeGweru lemuli yako Mlambo emngcwabeni kamuyi uMnu. Lyson Mlambo obeyisiphathamandla secele leMDC elikhokhelwa nguMnu. Arthur Mutambara. Inhloko kahulumende uMnu. Morgan Tsvangirai ongumkhokheli welinye lamacele eMDC, uncome umuyi , obhubhe engozini yomgwaqo ngempelaviki edluleyo ongcwatshwe eGweru ngolweSithathu, esithi lanxa ibandla le MDC ladabuka phakathi, babelokhu bengabangani lo muyi.


Isiphathamandla salelibandla uNkosikazi Priscilla Misihairambwi Mushonga, utshele iStudio 7 ukuthi ilunga labo, umuyi uNkosikazi Ntombizodwa Gumbo, obhubhe ndawonye loMnu. Mlambo, laye ungcwatshwe ngolweSithathu eMberengwa, njalo bawuqhube kuhle umsebenzi bendawonye lemuli kamuyi, kanye leziphathamandla zalelibandla, ezigoqela uMnu. Welshman Ncube.


Kunjalo nje, izihlobo zika muyi uNkosazana Alice Nkomo, isiphathamandla seZANU PF esibhubhe engozini eyenzakale emgwaqweni we Bulawayo-Plumtree Road, zingcwatshwe ngolweSithathu ko Bulawayo njalo yena uMaNkomo, ophiwe inhlonipho yokuba liqhawe lesigaba ukhangelelwe ukungcwatshwa kusasa.

Ukuze sizwe imbono ngokuthi ngubani okufanele kuthiwe liqhawe lesizwe, uSithandekile Mhlanga we Studio 7 uxoxe lo Nkosazana Thabitha Khumalo, isiphathamandla secele le MDC elikhokhelwa nguMnu. Tsvangirai, endawonye loMnu. Max Mnkandla, okhokhela inhlanganiso ye Zimbabwe Liberators' Peace Initiative.



‚Äč
XS
SM
MD
LG