amalinks wokungena

Breaking News

Kuqhamuka Inkulumo Phezu Kwamangcwaba eLady Stanley


Inhlanganiso ezizimeleyo lamabandla ezombusazwe ethesa icele leMDC elikhokhelwa nguMnu. Morgan Tsvangirai umlandu wokwephula imithetho yekhansili ngokubeka amalunga alelibandla emathuneni awe Lady Stanley.

Amathuna la agcinelwe abantu abadume ngokuthuthukisa idolobho lakoBulawayo. Inkulumo iqhamuke kulandela ukungcwatshwa kukaNkosazana Ennah Chitsa ngoMvulo loNkosikazi Gladys Dube Gombami Nyakenye. Bobabili laba babengamaSenator ecele leMDC elikhokhelwa nguMnu. Tsvangirai.

Isikhulumi sebandla leZapu, uMnu. Methuseli Moyo uthi icele leMDC selisenza santando ngalamathuna ngoba amalunga alelibandla eyiwo aphethe izikhundla ekhansilini yakoBulawayo.

Owake waba ngukhansila wakoBulawayo, uAlderman Charles Mpofu ulandisa ngokumele kwenziwe kulamangcwaba kungxoxo ayenze loChris Gande oweStudio 7..


uGande uphinde waxoxa lomsekeli wesikhulumi secele leMDC elikhokhelwa nguMnu. Morgan Tsvangirai, uNkosazana Thabitha Khumalo ochasisa ukuthi bona bathini ngaloludaba.

XS
SM
MD
LG