Abatsha abacatshangelwa ukuthi ngabasekeli bebandla le ZANU PF babikwa behlasele amavinkili ase Gulf Complex eHarare lapho ababikwa betshaye izisebenzi bantshontsha lempahla ethengiswayo besithi bafuna ukuthi labo bananzwe kuhlelo lokuthuthukisa abensundu olwe Indegenization.
UMnu. Absalom Sikhosana, isiphathamandla sabatsha kubandla le ZANU PF walile ukukhuluma le Studio 7 njalo waphika ukuthi kulodlakela elizweni, esithi okwenzakale ngoMvulo yikuthi iziphathamandl zebandla lakhe yizo ezintshontshelwe impahla ngabasekeli be MDC e Gulf Complex.
USithandekile Mhlanga we Studio 7 uxoxe loMnu. Effie Dlela Ncube, ingcwethi ecubungula ezombusazwe ukuze sihlaziye udaba lodlakela olubikwa solwandile elizweni.