amalinks wokungena

Breaking News

Kuqhamuka Udlakela eMachipisa Shopping Centre eHarare


Abatsha abacatshangelwa ukuthi ngamalunga ebandla le ZANU PF abedlula amakhulu amathathu babikwa behlasele umkambo ose Machiphisa Shopping Centre eHighfield eHarare lamuhla bexotsha amalunga ebandla le MDC endaweni zabo zokuthengisela.

Abatsha abacatshangelwa ukuthi ngamalunga ebandla le ZANU PF abedlula amakhulu amathathu babikwa behlasele umkambo ose Machiphisa Shopping Centre emzini weHighfield eHarare ngolweStihathu bexotsha amalunga ebandla le MDC endaweni zabo zokuthengisela.

Kubikwa kulimele abantu abambalwa njalo abanye balahlekelwa yimpahla kanye lemali phakathi kwalobu ubudlwangudlwangu, kukanti amapholisa abikwa ebebukele engathathi nyathelo.

Abathengisela kulindawo batshele iStudio 7 ukuthi udlakela lolu lubangelwa yiziphathamandla zebandla le ZANU PF ezisebenzisa abatsha njalo ezifuna ukuthi umuntu munye-ngamunye abhadale umthelo we rent kubo hatshi kukhansili yalelidolobho.

Kodwa uMnu. Rugare Gumbo, isikhulumi sebandla leZANU PF uthi kungenzeka ukuthi amalunga e MDC yiwo aqale awe ZANU PF esenzela ukudinga usekelo ebantwini lokungcolisa igama lebandla leZANU PF.

UMnu. Gumbo utshele uSithandekile Mhlanga weStudio 7 ukuthi amalunga ebandla lakhe angeke aphikisane lenkuthazo yomkhokheli wawo uMongameli Mugabe eyokuthi kungabi lodlakela elizweni.

XS
SM
MD
LG