amalinks wokungena

Breaking News

Kuqhamuka Udlakela KuMDC KaTsvangirai


Sokuqhamuke ukulwisana lokufuthelana okukhulu phakathi kweMDC ekhokhelwa nguMnu Morgan Tsvangirai ezigabeni zeMashonaland West leManicaland, osokubangele ukuthi uTsvangirai agijimele khona esiyangenela ukuze abhule umlilo olakho ukudala umonakalo ebandleni.

Emizameni yokuqeda ukufuthelana lokhu, uMnu Tsvangirai uhle walubhekisa eManicaland ukuya qhuba umhlangano lenkokheli yebandla lakhe kuleso sigaba ngoLwesithathu.

Abaphatheke emhlangano lo baveze ukuthi sokulokukhethana ngemihlobo kanye lokuthi bakhona abacatshangelwa ukuthi ngamalunga eZanu PF abalezikhundla kulelibandla.

UMnu Tsvangirai, yena oyinhloko kahulumende womanyano ukhuthaze ukubambana esithi ukulwisana okukhona kumele kuphela.

EMashonaland West khona kuqhamuke udlakela ngoLwesibili lapho abasakhulayo bebandla leli abavuke khona ubhova babhaxabula iziphathamandla zebandla bekhonona ngokumiswa umsebenzi kukaMnu Japhet Karemba obengumgcinisihlalo weMDC esiqintini lesi.

Abahlaziya ezombusazwe bathi kuyayangisa ukuthi ibandla leli, lona elihlezi lisethesa ibandla leZanu PF umlandu wokuphila ngodlakela, lalo selisenza ubudlova.

Umsekeli wesikhulumeli seMDC kaTsvangirai uNkosazana Thabitha Khumalo utshele uNtungamili Nkomo weStudio 7 ukuthi ngempela kulodubo ebandleni lakhe, kodwa uthe yinto ezalungisiswa ngokuphangisa.

‚Äč
XS
SM
MD
LG